आदिदेव नमस्तुभ्यं प्रसीद मम भास्कर ।
दिवाकर नमस्तुभ्यं प्रभाकर नमोऽस्तुते ॥ १ ॥

ādideva namastubhyaṃ prasīda mama bhāskara ;
divākara namastubhyaṃ prabhākara namo’stute . 1 .

सप्ताश्वरथमारूढं प्रचण्डं कश्यपात्मजम् ।
श्वेतपद्मधरं देवं तं सूर्यं प्रणमाम्यहम् ॥ २ ॥

saptāśvarathamārūḍhaṃ pracaṇḍaṃ kaśyapātmajam ;
śvetapadmadharaṃ devaṃ taṃ sūryaṃ praṇamāmyaham . 2 .

लोहितं रथमारूढं सर्वलोकपितामहम् ।
महापापहरं देवं तं सूर्यं प्रणमाम्यहम् ॥ ३ ॥

lohitaṃ rathamārūḍhaṃ sarvalokapitāmaham ;
mahāpāpaharaṃ devaṃ taṃ sūryaṃ praṇamāmyaham . 3 .

त्रैगुण्यं च महाशूरं ब्रह्मविष्णुमहेश्वरम् ।
महापापहरं देवं तं सूर्यं प्रणमाम्यहम् ॥ ४ ॥

traiguṇyaṃ ca mahāśūraṃ brahmaviṣṇumaheśvaram ;
mahāpāpaharaṃ devaṃ taṃ sūryaṃ praṇamāmyaham . 4 .

बृंहितं तेजसां पुञ्जं वायुराकाशमेव च ।
प्रभुस्त्वं सर्वलोकानां तं सूर्यं प्रणमाम्यहम् ॥ ५ ॥

bṛṃhitaṃ tejasāṃ puñjaṃ vāyurākāśameva ca ;
prabhustvaṃ sarvalokānāṃ taṃ sūryaṃ praṇamāmyaham . 5 .

बन्धूकपुष्पसङ्काशं हारकुण्डलभूषितम् ।
एकचक्रधरं देवं तं सूर्यं प्रणमाम्यहम् ॥ ६ ॥

bandhūkapuṣpasaṅkāśaṃ hārakuṇḍalabhūṣitam ;
ekacakradharaṃ devaṃ taṃ sūryaṃ praṇamāmyaham . 6 .

विश्वेशं विश्वकर्तारं महातेजः प्रदीपनम् ।
महापापहरं देवं तं सूर्यं प्रणमाम्यहम् ॥ ७ ॥

viśveśaṃ viśvakartāraṃ mahātejaḥ pradīpanam ;
mahāpāpaharaṃ devaṃ taṃ sūryaṃ praṇamāmyaham . 7 .

श्रीविष्णुं जगतां नाथं ज्ञानविज्ञानमोक्षदम् ।
महापापहरं देवं तं सूर्यं प्रणमाम्यहम् ॥ ८ ॥

śrīviṣṇuṃ jagatāṃ nāthaṃ jñānavijñānamokṣadam ;
mahāpāpaharaṃ devaṃ taṃ sūryaṃ praṇamāmyaham . 8 .

सूर्याष्टकं पठन्नित्यं ग्रहपीडाप्रणाशनम् ।
अपुत्रो लभते पुत्रं दरिद्रो धनवान् भवेत् ॥ ९ ॥

sūryāṣṭakaṃ paṭhannityaṃ grahapīḍāpraṇāśanam ;
aputro labhate putraṃ daridro dhanavān bhavet . 9 .