हे चन्द्रचूड मदनान्तक शूलपाणे
स्थाणो गिरीश गिरिजेश महेश शम्भो ।
भूतेश भीतभयसूदन मामनाथं
संसारदुःखगहनाज्जगदीश रक्ष ॥ १ ॥

he candracūḍa madanāntaka śūlapāṇe
sthāṇo girīśa girijeśa maheśa śambho ;
bhūteśa bhītabhayasūdana māmanāthaṃ
saṃsāraduḥkhagahanājjagadīśa rakṣa . 1 .

हे पार्वतीहृदयवल्लभ चन्द्रमौले
भूताधिप प्रमथनाथ गिरीशचाप ।
हे वामदेव भव रुद्र पिनाकपाणे
संसारदुःखगहनाज्जगदीश रक्ष ॥ २ ॥

he pārvatīhṛdayavallabha candramaule
bhūtādhipa pramathanātha girīśacāpa ;
he vāmadeva bhava rudra pinākapāṇe
saṃsāraduḥkhagahanājjagadīśa rakṣa . 2 .

हे नीलकण्ठ वृषभध्वज पञ्चवक्त्र
लोकेश शेषवलय प्रमथेश शर्व ।
हे धूर्जटे पशुपते गिरिजापते मां
संसारदुःखगहनाज्जगदीश रक्ष ॥ ३ ॥

he nīlakaṇṭha vṛṣabhadhvaja pañcavaktra
lokeśa śeṣavalaya pramatheśa śarva ;
he dhūrjaṭe paśupate girijāpate māṃ
saṃsāraduḥkhagahanājjagadīśa rakṣa . 3 .

हे विश्वनाथ शिव शङ्कर देवदेव
गङ्गाधर प्रमथनायक नन्दिकेश ।
बाणेश्वरान्धकरिपो हर लोकनाथ
संसारदुःखगहनाज्जगदीश रक्ष ॥ ४ ॥

he viśvanātha śiva śaṅkara devadeva
gaṅgādhara pramathanāyaka nandikeśa ;
bāṇeśvarāndhakaripo hara lokanātha
saṃsāraduḥkhagahanājjagadīśa rakṣa . 4 .

वाराणसीपुरपते मणिकर्णिकेश
वीरेश दक्षमखकाल विभो गणेश ।
सर्वज्ञ सर्वहृदयैकनिवास नाथ
संसारदुःखगहनाज्जगदीश रक्ष ॥ ५ ॥

vārāṇasīpurapate maṇikarṇikeśa
vīreśa dakṣamakhakāla vibho gaṇeśa ;
sarvajña sarvahṛdayaikanivāsa nātha
saṃsāraduḥkhagahanājjagadīśa rakṣa . 5 .

श्रीमन्महेश्वर कृपामय हे दयालो
हे व्योमकेश शितिकण्ठ गणाधिनाथ ।
भस्माङ्गराग नृकपालकलापमाल
संसारदुःखगहनाज्जगदीश रक्ष ॥ ६ ॥

śrīmanmaheśvara kṛpāmaya he dayālo
he vyomakeśa śitikaṇṭha gaṇādhinātha ;
bhasmāṅgarāga nṛkapālakalāpamāla
saṃsāraduḥkhagahanājjagadīśa rakṣa . 6 .

कैलासशैलविनिवास वृषाकपे हे
मृत्युञ्जय त्रिनयन त्रिजगन्निवास ।
नारायणप्रिय मदापह शक्तिनाथ
संसारदुःखगहनाज्जगदीश रक्ष ॥ ७ ॥

kailāsaśailavinivāsa vṛṣākape he
mṛtyuñjaya trinayana trijagannivāsa ;
nārāyaṇapriya madāpaha śaktinātha
saṃsāraduḥkhagahanājjagadīśa rakṣa . 7 .

विश्वेश विश्वभवनाशक विश्वरूप
विश्वात्मक त्रिभुवनैकगुणाधिकेश ।
हे विश्वनाथ करुणामय दीनबन्धो
संसारदुःखगहनाज्जगदीश रक्ष ॥ ८ ॥

viśveśa viśvabhavanāśaka viśvarūpa
viśvātmaka tribhuvanaikaguṇādhikeśa ;
he viśvanātha karuṇāmaya dīnabandho
saṃsāraduḥkhagahanājjagadīśa rakṣa . 8 .

गौरीविलासभवनाय महेश्वराय
पञ्चाननाय शरणागतकल्पकाय ।
शर्वाय सर्वजगतामधिपाय तस्मै
दारिद्र्यदुःखदहनाय नमः शिवाय ॥ ९ ॥

gaurīvilāsabhavanāya maheśvarāya
pañcānanāya śaraṇāgatakalpakāya ;
śarvāya sarvajagatāmadhipāya tasmai
dāridryaduḥkhadahanāya namaḥ śivāya . 9 .