गरुडगमन तव चरणकमलमिह मनसि लसतु मम नित्यम् ।
मम तापमपाकुरु देव, मम पापमपाकुरु देव ॥ १ ॥

garuḍagamana tava caraṇakamalamiha manasi lasatu mama nityam ;
mama tāpamapākuru deva, mama pāpamapākuru deva . 1 .

जलजनयन विधिनमुचिहरणमुखविबुधविनुतपदपद्म ।
मम तापमपाकुरु देव, मम पापमपाकुरु देव ॥ २ ॥

jalajanayana vidhinamuciharaṇamukhavibudhavinutapadapadma ;
mama tāpamapākuru deva, mama pāpamapākuru deva . 2 .

भुजगशयन भव मदनजनक मम जननमरणभयहारी ।
मम तापमपाकुरु देव, मम पापमपाकुरु देव ॥ ३ ॥

bhujagaśayana bhava madanajanaka mama jananamaraṇabhayahārī ;
mama tāpamapākuru deva, mama pāpamapākuru deva . 3 .

शङ्खचक्रधर दुष्टदैत्यहर सर्वलोकशरण ।
मम तापमपाकुरु देव, मम पापमपाकुरु देव ॥ ४ ॥

śaṅkhacakradhara duṣṭadaityahara sarvalokaśaraṇa ;
mama tāpamapākuru deva, mama pāpamapākuru deva . 4 .

अगणितगुणगण अशरणशरणद विदलितसुररिपुजाल ।
मम तापमपाकुरु देव, मम पापमपाकुरु देव ॥ ५ ॥

agaṇitaguṇagaṇa aśaraṇaśaraṇada vidalitasuraripujāla ;
mama tāpamapākuru deva, mama pāpamapākuru deva . 5 .

भक्तवर्यमिह भूरिकरुणया पाहि भारतीतीर्थम् ।
मम तापमपाकुरु देव, मम पापमपाकुरु देव ॥ ६ ॥

bhaktavaryamiha bhūrikaruṇayā pāhi bhāratītīrtham ;
mama tāpamapākuru deva, mama pāpamapākuru deva . 6 .