अखिलानन्दसन्दायिमनोज्ञमुखपङ्कजम् ।
जगद्गुरुं जगत्पूज्यं विद्यातीर्थमहं श्रये ॥ १ ॥

akhilānandasandāyimanojñamukhapaṅkajam ;
jagadguruṃ jagatpūjyaṃ vidyātīrthamahaṃ śraye . 1 .

भिद्यते हृदयग्रन्थिर्दृष्टे यस्मिन्निति श्रुतिः ।
जगौ परावरं शान्तं तं विद्यातीर्थमाश्रये ॥ २ ॥

bhidyate hṛdayagranthirdṛṣṭe yasminniti śrutiḥ ;
jagau parāvaraṃ śāntaṃ taṃ vidyātīrthamāśraye . 2 .

नटत्याननरङ्गे हि यस्य साक्षात् सरस्वती ।
नतार्तिशमने दक्षं तं विद्यातीर्थमाश्रये ॥ ३ ॥

naṭatyānanaraṅge hi yasya sākṣāt sarasvatī ;
natārtiśamane dakṣaṃ taṃ vidyātīrthamāśraye . 3 .

वटमूलं परित्यज्य शृङ्गाद्रौ निवसन् हि यः ।
तत्त्वं बोधयते भक्तान् दक्षिणास्यं तमाश्रये ॥ ४ ॥

vaṭamūlaṃ parityajya śṛṅgādrau nivasan hi yaḥ ;
tattvaṃ bodhayate bhaktān dakṣiṇāsyaṃ tamāśraye . 4 .

विषयाशां परित्यज्य वैराग्यं परमं श्रिताः ।
मुनयो यत्कृपाभाजः तं विद्यातीर्थमाश्रये ॥ ५ ॥

viṣayāśāṃ parityajya vairāgyaṃ paramaṃ śritāḥ ;
munayo yatkṛpābhājaḥ taṃ vidyātīrthamāśraye . 5 .

द्यावाभूमी हि जनयन् देव एक इति श्रुतिः ।
यं वर्णयति सर्वेशं तं विद्यातीर्थमाश्रये ॥ ६ ॥

dyāvābhūmī hi janayan deva eka iti śrutiḥ ;
yaṃ varṇayati sarveśaṃ taṃ vidyātīrthamāśraye . 6 .

तीरे तुङ्गातटिन्या यः तत्त्वं शिष्यान् प्रबोधयन् ।
आस्ते देशिकराजं तं विद्यातीर्थं समाश्रये ॥ ७ ॥

tīre tuṅgātaṭinyā yaḥ tattvaṃ śiṣyān prabodhayan ;
āste deśikarājaṃ taṃ vidyātīrthaṃ samāśraye . 7 .

र्थमपूर्वं श्रुतेर्यस्तु यथावदवबोधयन् ।
शिष्यान् धर्मपथासक्तान् कुरुते तमहं श्रये ॥ ८ ॥

rthamapūrvaṃ śruteryastu yathāvadavabodhayan ;
śiṣyān dharmapathāsaktān kurute tamahaṃ śraye . 8 .