श्रीशारदाम्बां भजे श्रितकल्पवल्लीम् ।
कारुण्यवारान्निधिं कलिकल्मषघ्नीम् ॥

śrīśāradāmbāṃ bhaje śritakalpavallīm ;
kāruṇyavārānnidhiṃ kalikalmaṣaghnīm .

इन्द्रादिदेवार्च्यपादाम्बुजाताम् ईशित्वमुख्याष्टसिद्धिप्रदात्रीम् ।
ऊहापथातीतमाहात्म्ययुक्तां मोहान्धकारापहस्वाभिधानाम् ॥ १ ॥

indrādidevārcyapādāmbujātām īśitvamukhyāṣṭasiddhipradātrīm ;
ūhāpathātītamāhātmyayuktāṃ mohāndhakārāpahasvābhidhānām . 1 .

श्रीशङ्कराचार्यसंसेविताङ्घ्रिं श्रीशृङ्गगिर्याख्यपुर्यां वसन्तीम् ।
श्रीवाग्विभूत्यादिदानप्रवीणां श्रीभारतीतीर्थहृत्पद्मवासाम् ॥ २ ॥

śrīśaṅkarācāryasaṃsevitāṅghriṃ śrīśṛṅgagiryākhyapuryāṃ vasantīm ;
śrīvāgvibhūtyādidānapravīṇāṃ śrībhāratītīrthahṛtpadmavāsām . 2 .