दाशरथे मां पालय दारितदशवदन ।
दीनजनावनदीक्ष दुरितापहवीक्ष ॥

dāśarathe māṃ pālaya dāritadaśavadana ;
dīnajanāvanadīkṣa duritāpahavīkṣa .

कौसल्याप्रियतनय कौशिकमुखविनुत ।
दण्डितदैत्यव्रात खण्डितहरचाप ॥ १ ॥

kausalyāpriyatanaya kauśikamukhavinuta ;
daṇḍitadaityavrāta khaṇḍitaharacāpa . 1 .

खरदूषणमुखरक्षोविदलननिपुणशर ।
खरकिरणान्वयसागरराकाशिशिरकर ॥ २ ॥

kharadūṣaṇamukharakṣovidalananipuṇaśara ;
kharakiraṇānvayasāgararākāśiśirakara . 2 .

भवभयनाशनचतुर भजतामभयकर ।
भरताद्यनुजसमेत भारतीतीर्थनुत ॥ ३ ॥

bhavabhayanāśanacatura bhajatāmabhayakara ;
bharatādyanujasameta bhāratītīrthanuta . 3 .